Happy Heinys nota sérframleitt flísefni í hágæða bleiurnar sínar sem saumaðar eru í Bandaríkjunum.

Að utan er vatnshelt PUL efni sem andar og að innan er flísefni. Smellur eru að framan til þess að stilla stærðirnar og riflás til þess að loka þeim. Á þeim eru einnig þvottaflipar sem notaðir eru þegar bleiurnar eru þvegnar. En það er til þess að riflásinn verði ekki skítugur eða festist í öðru.

Þær eru hannaðar þannig að þær notist frá um það bil 3 kg (7,5 lbs) og upp í um það bil 16 kg (35 lbs) með því að stilla stærðirnar með smellunum sem eru framan á bleiunum.

Með bleiunum fylgja tvö microfiber innlegg, eitt stórt og eitt lítið. Hægt er að nota þau í sín hvoru lagi eða bæði saman ef þess þarf.

Einnig er gott að nota hampinnleggin inn í þessar bleiur til þess að auka rakadrægni þeirra, t.d. á nóttunni.