Hvað eru taubleiur?

Eflaust tengja margir taubleiur einungis við gömlu gasbleiurnar/gubbuklútana sem notaðar voru að mestu leiti áður en einnota bleiurnar komu á markað. Þær voru brotnar saman á séstakan hátt til þess að hentaði barninu og bleiubuxur settar yfir.

Margir kjósa ennþá þennan kost enda sá ódýrasti og þægilegur t.d. fyrir þau nýfæddu. Margar taubleiur í dag eru einnig orðnar mun fullkomnari og nútímalegri en áður fyrr. Þær eru oftast formaðar eins og einnota bleiur og geta varla talist flóknari í notkun.

Hér á eftir er lesefni um taubleiur, mismunandi tegunir taubleia og kosti þeirra. Við hvetjum alla þá sem eru forvitnir um taubleiurnar að lesa áfram.


Þú skiptir um sirka 6.000 bleiur yfir bleiutímabil barnsins þíns. Hversvegna ætti maður ekki að hugsa um umhverfið og spara peninga?

Á bleiutímabili barnsins fer það í gegnum um það bil 6.000 bleiur. Þessu fylgir gríðarlegt magn af rusli/úrgangi. Með því að meðvitað velja taubleiur ertu að skapa betri veröld fyrir barnið þitt.

Ef barnið notar einnota bleiur í 3 ár eru það um það bil 240 kg af sorpi! - og það eru þá bara bleiurnar sjálfar (um 40 g stykkið).

Nokkrir af kostum þess að nota taubleiur:

1. Sparnaður. Sem dæmi kosta 15 stk af Snata taubleiunum 38.725 kr. (á 2.550 kr. stykkið). Þessi upphæð er fljót að koma í bleiupökkum af einnota bleium. Skoðið einnig magnpakkningarnar og prufupakkningarnar okkar. Sjá einnig okkar útreikninga á taubleiusparnaði.
   
2. Umhverfisvænna. Þrátt fyrir aukið vatn og rafmagn við að þvo taubleiur er það umtalsvert umhverfisvænna en framleiðslan og sorpið af þeim einnota. Svo ekki sé minnst á það hversu hreinlegra og umhverfisvænna það er að sturta hægðum í salernið og þvo þær í þvottavél en að henda þeim með sorpinu.
   
3. Það er næstum jafn auðvelt að nota vasableiur og pappírsbleiur. Það eina sem þú þarft að gera í viðbót er að stinga þeim í þvottavélina.
4. Betra fyrir barnið. Þær innihalda ekki efni sem notuð eru við framleiðslu pappírsbleianna og margir telja slæm. Vegna þess að þær "anda", eða hleypa lofti í gegnum sig, valda þær síður bleiuútbrotum en pappírsbleiurnar. Þær eru einnig mýkri og þægilegri.
5. Hugsanlega hætta börnin fyrr að nota bleiu ef þau nota taubleiur. Margir foreldrar telja að vegna þess að börnin finni frekar á sér að þau séu blaut ef þau nota taubleiur, hætti þau fyrr að nota þær en ella.

Reikningsdæmi:

Pappírsbleiur sem kosta 35 kr. stykkið:

Miðað við 6 bleiur á dag kostar árið 75.600 kr.
Miðað við 8 bleiur á dag kostar árið 100.800

Til samanburðar kosta:
15 stk af Snata taubleiunum 38.275 kr
15 stk af Happy Heinys (einlita) 55.200 kr

Það borgar sig að nota taubleiur, jafnvel þó svo að þú finnir ódýrar pappírsbleiur!
Athugið að 6-8 bleiur á dag er það sem meðalbarn notar af bleium. Þegar þau eru sem yngst nota þau yfirleitt mun fleiri (jafnvel 10-12 bleiur á dag fyrst um sinn).

Mismunandi taubleiutegundir

Til eru ýmsar gerðir af taubleium. Í eftirfarandi tengli má finna útskýringar á þeim helstu:

Ýmsar tegundir taubleia og hvernig á að velja

Þó svo að bleiufrumskógurinn virðist stór - Er hann alls ekki eins stór og þú heldur!
1. Kíktu yfir lesefnið okkar
2. Finndu þær bleiutýpur sem þú heldur að henti þér (vasableiur, AIO bleiur, gasbleiur, tilsniðnar bleiur..)
3. Prufaðu eina til tvær bleiur af þeim sem þú heldur að þú munir fíla
4. vittu til - Þú þekkir þig best og veist nokkurn vegin hvað þér muni lika eftir að hafa lesið þig aðeins til
5. Ekki hlusta á alla hina sem segja þér að kaupa þetta en ekki hitt osfrv. Fólk hefur ofboðslega mismunandi skoðanir á þessu sviði. Þetta er mikið smekksatriði. Þessvegna er langbest að fara einungis eftir eigin sannfæringu og prufa það sem manni þykir líklegast að manni eigi eftir að líka við. Þó svo að "allir" segi að ein ákveðin tegund sé best er alls ekki víst að þér eigi eftir að líka hún!

Hversu margar bleiur þarf ég að eiga?

Það fer auðvitað eftir því hversu oft á að þvo. Þægilegast er að eiga nægilega margar bleiur til þess að þvo annan eða þriðja hvern dag. Það þýðir að gott er að eiga bleiur fyrir tvo til þrjá daga, ásamt því að gera ráð fyrir þurrktíma.

Þumalputtareglan er að börn noti 6 - 8 bleiur á dag, en það getur minnkað þegar þau eldast og verið meira á meðan þau eru mjög ung.

Hægt er að komast vel af með 12 - 18 bleiur. En margir kjósa að eiga 18 - 24 stykki. Þetta miðast þá við hverja stærð, ef nota á bleiur sem koma í mismunandi stærðum.

Ef notuð eru cover/bleiubuxur þarf mun færri af þeim. 4 - 6 stykki ættu að vera nóg.
Oft er miðað við einar bleiubuxur fyrir 4 bleiur. En þú getur komist af með færri bleiubuxur ef þær eru úr ull.