14. Hvaða þvottaefni má ég nota í taubleiur, er spurning sem ég er of spurð.

Svarið er að ef þú notar tilsniðnar bleiur, t.d. úr bómull, þá skiptir þetta ekki eins miklu máli. En þó skiptir þetta alltaf máli.
Þessar bleiur geta t.d. ekki orðið vatnsheldar og hafa ekki pul efni. Hins vegar geta ýmis efni samt sem áður setið í þeim.

Við mælum með Crunchy Clean sem er hannað með taubleiur í huga, algerlega umvherfisvænt og án allra aukaefna. - 5 stjörnur hjá okkur!
Íslenska þvottaefnið C11 er án flestra efna sem óæskileg eru. Það inniheldur þó aðeins af ilmefnum.  - 4 stjörnur hjá okkur!
Íslenska þvottaefnin Milt fyrir barnið og Milda eru án flestra efna sem óæskileg eru. Þau innihalda engin ilmefni, en þau innihalda ensím (þó minna en í flestum öðrum sem það innihalda) sem geta valdið ofnæmi og mögulega farið illa með pul efni. - 3 störnur hjá okkur!
Sjá töflu fyrir neðan

Mýkingarefni eru slæm fyrir allar taubleiur. Þau húða bleiurnar og gera þær minna vatnsheldar. Þetta á líka við um bómullarbleiur en hefur enn meiri áhrif á t.d. flísefni.

Ensím (eða lífhvatar) eru notuð í þvottaefni til þess að brjóta upp ýmis óhreinindi. Þessi efni geta ert viðkvæma húð séu þau í miklu mæli í þvottaefninu.
Ensím verða virk þegar þau blotna. Þau hafa oftast ekki áhrif á okkur í þurru fötunum okkar en þau geta hins vegar haft mun meiri áhrif á barnið þitt með blautu bleiuna sína. Þau geta orðið til þess að mynda útbrot.
Hins vegar eru ensím einn helsti ofnæmisvaldur í þvottaefnum.
Einnig hefur verið rætt um að þessi efni geti stytt líftíma pul efnisins, og gætu þessvegna verið slæm fyrir bleiubuxur úr pul efni, vasableiur og þess háttar.
Að auki virðast ensím hvetja til sveppagróðurs í þvottavélum.
Fá þvottaefni eru laus við ensím, en þau eru t.d. Crunchy Clean og C11.
Sum þvottaefni innihalda lítið af ensímum, t.d. Milt fyrir barnið.

Bökunarsódi og vínedik
Margir framleiðendur vasableianna, AIO (all in one) bleianna og Bleiubuxnanna úr pul efni mæla gegn því að þessi efni séu notuð í þvott á bleiunum þeirra, og jafnvel takmarka ábyrgð á þeim sé það gert.

Ef þú notar tilsniðnar bleiur getur verið sniðug hugmynd að setja bökunarsóda í þvottinn. Bökunarsódinn hreinsar mjög vel og eyðir bakteríum. En ekki nota of mikið. 
Vínedik finnst mörgum gott að nota í skolið - ekki í þvottinn sjálfann! - og einungis fyrir tilsniðnar bleiur. Notið einnig mjög lítið af því. Það virkar eins og mýkingarefni og eyðir vondri lykt.
Athugið þó að mjög margir kvarta einmitt undan því að bleiurnar lykti meira eftir að þeir notuðu vínedik, en margir aðrir eru himinlifandi með það og finnst bleiurnar aldrei hreinni eða lyktarminni. Notið því mjög lítið af því og einungis í tilsniðnar bleiur.

Bökunarsódi hefur lágt ph gildi, um 8,1. Hann er því mildari en þvottasódi. Ég stóð alltaf föst í þeirri trú minni að nota ekki bökunarsóda í taubleiurnar, en sattast að segja sé ég enga ástæðu til þess lengur að forðast hann. Hann er mildur en getur samt sem áður fjarlægt óhreinindi og eytt vondri lykt.
Það er sýra í þvaginu sem sódinn (bökunarsódinn og þvottasódinn) ná að jafna út og þannig eyða lyktinni.
Oftast er talað um hálfann bolla í eina vél. Ekki nota meira en það og gott er að byrja á minna.

Klór má alls ekki nota
Klór er ekki gott að nota í hverskonar bleiur sem er. Hann er einnig óumhverfisvænn.

Ljósvirk bleikiefni
Þau eru bæði óumhverfisvæn og fara ekki vel með bleiurnar. Þau geta setið eftir í bleiunni og bæði valdið því að bleian fer að lykta illa og geta einnig valdið því að hún fer að leka (verður vatnsheld).
Þetta er meira vandamál með vasableiur og aðrar slíkar með gerviefnum. En við mælum gegn notkun ljósvirkra bleikiefna í hvaða bleiur sem er.
Þvottaefni án ljósvirkra bleikiefna eru t.d. Cruchy Clean, C11, Milt fyrir barnið og Neutral.

Zeolite
Margir ræða um að nota ekki þessi efni í taubleiur. Þetta er hins vegar efni sem oft er í þvottaefnum, t.d. í Neutral.
Zeolite eru smáar agnir sem hreinsa vel en eyða fatnaðinum hraðar en efni sem eru án þess. Það getur einnig valdið ofnæmi. Þetta efni ber því að varast í pul efni. Það gæti átt þátt í því að eyða pul efninu fyrr og gera það þannig minna vatnshelt.
Þvottaefni án zeolite eru t.d. Crunchy Clean, C11 og Milt fyrir barnið

Lyktarefni
Of mikið lyktarefni í þvottaefni er ekki gott. Það er hannað til þess að sitja eftir í efninu og "blekkir" okkur til þess að þykja vellyktandi flíkur hreinar.
Þvottaefni án lyktarefna eru: Crunchy Clean, Neutral og Milt fyrir barnið

Olíur
Tee tree olía, grape seed olía og aðrar náttúrulegar olíur geta verið góðar til þess að virka bakteríudrepandi og til þess að gefa góða lykt. Athugið þó að setja alls ekki mikið af olíum í bleiurnar því það getur einmitt virkað til þess að gera þær minna rakadrægar (jafnvel vatnsheldar).
Notið því einungis um 2 dropa í hverja vél.

Að lokum
Munið að þvo þvottavélina reglulega.
Það er nauðsynlegt að þvo sápuhólfið og gúmmíhringinn í þvottavélinni reglulega.
Einnig er nauðsynlegt að keyra þvottavélina á suðu (90 gráðum) að öðru hvoru.
En munið þó að ekki er nauðsynlegt að sjóða taubleiur og sumar bleiur þola það ekki (margar með smellum, teygjum og pul efni) - Það er einnig umhverfisvænna að þvo sem oftast á lægra hitastigi.


Tafla með þvottaefnum

Við ákváðum að setja saman töflu þar sem við tiltökum þau efni sem þvottaefnin innihalda, eftir því sem við komumst næst (miðað við innihaldslýsingar og aðrar lýsingar).
Þessi tafla verður áfram í þróun eftir því sem fleiri upplýsingar berast okkur.
Ef þið hafið athugasemdir varðandi einhver þvottaefni, mælið með öðrum þvottaefnum eða annað biðjum við ykkur endilega að hafa samband við okkur á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Sjá töflu